Lekker iten.
Jierren ferlyn is myn frou in pear dagen nei Parys west mei in freondin fan har. De freondin hie in reis wûn foar twa persoanen in pear dagen Parys. Mar se wie frijfaam en dêrom hie se myn frou frege om mei te gean, sjoch. No dat wie bêst genôch. Yn oerlis mei my fansels, hat se besletten om mei te gean want it like har ek wol nijsgjirrich om ris yn Parys te sjen.
Doe't ik har fuortbrocht hie en thús kaam, lei der in plastic pûde op it oanrjocht en dy lei der noch net doe't wy fuortgongen. Der hat dus immen yn'e hûs west yn de tiid dat ik fuort wie en dan ha ik ek leaver dat se wat bringe dan weinimme. Doe't ik de pûde iepen die siet der wat bonkeguod yn mei wat fleis dêroan. Dat ha wy wol faker sjoch, wat bonken by de slachter wei om út te sieden of foar de jerte te brûken en dat fine wy och sa lekker. No ik dochs alinne wie en foar myn eigen iten soargje moast stie it menu foar de jûns ek al fêst. De bonken ha ik earst efkes stikken slein, want dan kin it merg der ek útkomme no, ha fuort in panne op it fjûr setten mei wetter en de bonken dêryn, want soks kin wol in moai skoftke opstean foar dat it goed útlutsen is. In pear oeren letter haw ik de bonken der út helle.
It rûkte lekker en der siet wol aardich wat fleis yn. Noch in pear sipels dêryn en noch wat gearje litte, in pear jirpels siede en klear is myn miel. Myn eigen makke hachee. Jonge, wat ha ik der twa dagen lekker fan iten.
Doe't myn frou wer thús kaam fan har reis hie se grutte ferhalen fansels. Wat hja belibbe hiene en wat der allegearre te sjen is en dat Parys sa great is ensfh. Hja hiene lekker iten hâwn en in bêst bêd en keamer, no wat wol in minske noch mear. Ik wie tige bliid fansels dat hja it sa moai hâwn hiene. “Hast ek lekker iten of hat de patat- boer it drok hâwn” frege se my. “Ik ha alderhearlikst iten en it wie lekker makkelik ek noch” liet ik har witte. Ik fertelde har hoe't it gien wie, hja krige der in tige reade holle by. Ik frege har wat der oan skeelde sa gau en koe net sjen wat se no woe, laitsje of gûle. “Mar dy bonken wiene foar ús hûn” sei se “ik ha fergetten om tsjin dy te sizzen dat dyn skoansuster hjir bonken bringe soe omdat se wat te folle hie foar har eigen hûn en dat wie alwer in pear dagen ferlyn, stjonkten se net?”.
“No der ha ik neat fan fernommen”sei ik. Ik ha it ferskate kearen oanheare moatten fansels, mar ik haw der lekker fan iten dus it sil wol net ferkeard west ha.
13 januari 2010
Geef je beoordeling aan het verhaal: Lekker iten.
Actuele beoordeling: 9,00
Aantal stemmen: 2
Aantal hits: 594
SpeedDatez
Vaak weet je het al bij de eerste aanblik. Deze man of vrouw is interessant! Dus waarom tijd verspillen? SpeedDatez is dé ideale manier om snel met leuke mensen in contact te komen!
Knuz.nl
Knuz.nl is een volkomen gratis datingsite. Met meer dan 200.000 ingeschreven leden is Knuz de grootste gratis datingsite in de Benelux met misschien wel de liefde van je leven ...
MessengerContacten.nl
MessengerContacten.nl is dé erotische datingsite voor mensen met MSN Messenger. Lid worden is 100% gratis en alleen een e-mailadres en nickname zijn nodig. Veel plezier en spannende dates!
FlitsDate
Zin in een leuke en gezellige avond waar u in korte tijd veel singles ‘live’ kunt ontmoeten? Dan is flitsdaten iets voor u: een luchtige en efficiënte manier van kennismaken in sfeervolle locaties!
